132
Жалаңаш ауылына 1905 жылдан бастап Ресейдің Ставрополь өлкесінен Столыпиннің реформасына байланысты көптеген қоныстанушы орыс ағайындар көшіп келе бастаған. Олар ең шұрайлы жерлерді таңдағанда алдымен Алматы, Талғар, Шелек сияқты қалалы жерлерге орналасты. Ал оған сыймаған шаруалар ілгері жылжи берген. Жалаңашқа келгендері бірден үй салуға кірісіпті. Өйткені қарағайы жақын жерден материалды тез дайындап алуға болады. Сөйтіп 4-5 көшелі село пайда болған. Ол көшелер: Шабалдин, Байдаяный, Черков, Кошкараев, Решетников көшелері деп аталды. Осылардан
Шабалдин, Байдаяный, Черков, Кошкараев, Решетниковдың ұрпақтары осы күнге шейін селомызда тұрады.
Жақын маңдағы қазақтар бұрын ағаштан салған үйді көрмегендіктен оны қала деп атапты. Орыстар Қарабұлақтан, Меркіден диірмен салып ,Ағанас жазығын егіс алқабына айналдырды.
1917 жылы ревалюциядан кейін байқұлақтар ретінде олардың жағдайы бұрынғыдай болиай, көбі тәркіленіп, енді біразы келген жағына қарай және Қарақолға көше бастады. Жалаңаштың бейлеушісі Черков Меркідегі «Көктаста» тастан ұшып өліпті. Атаман Александров үй-жайын тастап шетелге қашып кетті. Көпшілігі басқа жақтарға көшіпте үлгерді. Үйлері ауыл кедейлеріне тегін таратылып, Бөбетаев Сағынбек, Медетбеков Жайлаубектер батырақ есебінде босаған үйлерді алған. Тарап кеткен орыстардан қалған кедей кепшіктері Жалаңашта 1930 жылдан бастап ұйымдастырылған «Средигор» деген калхозға мүше болды. Сөйтіп көптеген орыс ағайындар бұл жерге тұрақтап та қалды. 1919 жылы Жалаңашта калхлздың бас бухгалтері болған Попов деген адамның үйі мектепке айналдырылып, тұңғыш Средигор бастауыш мектебі болып ұйымдасты.
Ол мектепте Жаркент қаласынан қысқа мерзімді мұғалімдер дайындпйтын курсты бітіріп келген Жүнісов Бектұрсын, ал 1920 жылы Байғабылрв Қапес сабақ берді. Алғаш бұл бастауыш класта Талдықорған облысының Лепсідегі пед.училищеде оқыған Байдачный Тимофей Дмитриевич оқытушы болған.
1933 жылға дейін 4 классты бастауыш орыс мектебін бітіргендер 7 жылдық мектепке оқуын жалғастыру үшін Шелек, Талғар қалаларына барып оқиды.
1933 жылдан «Средигор» бастауыш мектеп 7 жылдық мектепке айналдырылды. Оған Мәшкеев Қиясбай басшылық жасаған.
Бұл кісіні сол кездегі Алматы облыстық Совет атқару комитетінің бірінші орынбасары С. Бейсембетов сол кезде Алматы облысына қарайтын Аягөз ауданынан Жалаңашқа Средигор мектебіне директор етіп жіберіпті.
1936 жылдан бастап Янько Нина Васильевна деген арнаулы білімі бар мұғалім мектепке басшылық етеді. Онымен бірге қызмет еткен алғашқы ұстаздар Басс Асья Марковна, Загребина Антанина Павловна, Буш Давид Фридрихович, Буш Урсула Ивановна, Тремба Юрий Станиславич, Асылбеков Әбіш, Қоңқашбаев Қажыкендер. 1937 жылдан бастап Жүнісов Мұстафа, 1940 жылдан бастап Асылбеков Әбіш, 1943 жылдан бастап Қоңқашбаев Қажыкен, 1947-1950 жылдан Абдрахманов Ерғазы, 1950-1954 жылдан Петренко И.П., 1954-1955 жылдан Молчанова Е.М., 1956 жылдан Бөлтіріков Қасенбай, 1957-66 жылдары Ни В.И., 1967-1969 жылдан Бөлтіріков Қасенбай, 1969-71 Әлімғазиев С.А., 1972 жылдары Мұсабеков А.М., 1972-83 жыл Варнавская Л.П., 198390 жылдары Искаков К.М., 1989-91 жылдары Нұрлыбав К., 1991 жылдан Медельханова Н.М. мектепке басшылық жасап келді.
1949-50 жылдан бастап дербес 7 жылдық орыс мектеп болып бөлінді. Мектепті басқарған осы директорлардың ішінде Бөлтіріков Қ, мектептің материалдық базасын жақсартуға ерекше еңбек сіңірді. Ағаштан 10-15 бөлмелі 2 жерден мектеп салғызды. Ал оқу тәрбие жұмысын бағдарлама талабына сай ұйымдастыруға, мұғалімдердің іскерлік қабілетін дамытуға талап қоюда: Петренко И.П., Молчанова Е.М., Мұсабеков Ә., Ворнавская Л.П. азаматтар үздіксіз ізденіп, тынбай еңбектенді.
1947-93 жылдардың арлығында оқу ісінің меңгерушілері болып: 1947 жылы Байісов А., 1954 жылы Баранов, 1958-59 жылы Серкебаев С., 1955-65 жылдары Молчанова Е.М., 1960-63 жылдары Байдачная З.Д., 1965 жылдары Абубакиров С.К., 1966-69 жылдары Алімғазиев С.А., 1969-85 жылдары Антонова З.В., 1972-83 жылдары Мұсабеков А.М., 1983-92 жылдары Бугаевская В.И., 1982 жылы Мұқанова З.М. қызмет атқарды.
Ал 1957 жылы мектеп –өз алдына орта мектепке айналдырылды . 1978 жылдан бастап мектеп – интернат қысқарғаннан кейін стандартты мектепке көшірілді.
1936 – 91 жылдар аралығындағы оқушылар саны 1530, мұғалімдер саны -82-ге жеткен. Мектептің техникалық құралдары, мектеп жанындағы кітапханада 16078 дана оқулықтар мен, 411 дана көркем әдебиет кітаптары бар.
Осы мектепте 40 жылдан көп еңбектенген аса тәжірибелі Басс Ася Марковна, Загребина А. П. , Баранов Е. П. , Тремба Ю, Байдачная А.П. , Байдачный Д. Т. , Акинина Т. П., Буш У.И., Туровский И. Ф., Гвоздеева З, Антонова З. В., Молчанова Е. М., Костенко Л. Я., Варнавская Л. П., Жетібаев А. Ж., Маврин П. П., Бугаевская В. И., Мұсабеков Ә. М., Әлдібаев Қ. Ә., Өтегенова Н. Ө., Ибраимов Қ. сияқты ұстаздарды құрпетпен айтамыз.
Мектепті әр жылдарда бітірген түлектерден Серікбаев Дәулет – техника ғылымының кандитаты, Өскемендегі Автөкөлік институтының ректоры, Қазақ ССР Оқу министірінің орынбасары болды. Ол кісі үлкен ЧТЗ, НАТИ соқаларын жұмысқа қосатын бір адамның орнына автоматпен басқаратын құрал ойлап жасап Қазақстан Мемлекеттік сыйлығының лауреаты атағын алды.
Мектеп түлегі , медицина саласында Республикаға танымал әйгілі ғалым, академик Рысмендиев Әрменнің еңбегі мақтан етерлік.
Сондай-ақ Ұрмұрзина Гүлшара қатардағы дәрігерден Денсаулық сақтау министірінің орынбасары дәрежесіне көтерілді, Жүнісова Әнел, Малдыбекова Раиса т.б. түлектерін елі мақтан етеді.
Мектеп орта мектеп болып құрылғаннан бері уақытта 1747 түлек бітіріп шықты. Оның ішінде 90-ны алтын және күміс медальмен бітіргендер.
Мектептің қазіргі уақыттағы жағдайы
С. Бейсембетұлы атындағы екі қабатты 360 орындық типтік мектеп.
Жалпы аумағы- 2377 шаршы метр
Барлық ғимараттың пайдалы аудан көлемі- 2251 шаршы метр
СЭС талаптарына сәйкес.
Класс компоненті 23, орыс сыныбы-12, оқушы саны- 167, қазақ сыныбы-11, оқушы саны- 221 , барлығы-388.
Мұғалімдер саны-54
Жоғары білімді- 52
Аяқталмаған жоғары білімді-2
Жоғарғы санатты-5
Мамандардың орташа жасы 37
1.01.2008 жылдан шағын орталық жұмыс істейді.
Шағын орталықта - 1 топ 25 бала.
Мектеп бойынша 6 интерактивті тақта, 20 компьютер бар.
Лабороториялар ( химия,физика,биология) толығымен жабдықталған. Демеушілердің көмегімен тұрғызылған шағын футбол және балалар алаңы бар.
